Vandaag is et zowiet: heurkollezies in het Twents
Wat ku’j better doon um et Nedersaksisch as leavende sproak te beholden dan et oaveral gebruuken, ok in de wettenschop? Doarum op woensdag 8 mei in Science Café Enschede: Hoorcollege in ’t Twents, doar is niks mis met!
Doatum en tied: woensdag 8 mei, 20:00-22:00 uur
Locatie: Theater Concordia (Oude Markt 15, Enschede).
Zoas eerder verteld kwam Femke Nijboer met et idee en wi’j hebt samen ewarkt an dizze oavend van et Wettenschapscafé in Eanske. Met vief kloke spreakers: Martin ter Denge, Ellen Peters, Jan Broenink, Anne Bonvanie, Arjan Sterken. (zie onder)
Et ni’js geet good rond
Bij 1Twente in het Twents Kwarteerken Twentse taal naar de wetenschap brengen met hoorcolleges: ‘Het is de hoogste tijd’ – 1Twente
Artikel in Tubantia
In de wetenschap wordt straks ook Twents gesproken | Enschede | tubantia.nl
Op de radio bij RTV Oost,
Marcel & Bastiaan – Colleges in het Twents (vanaf 8:57 minuten)
Wat ku’j verwoachtn
Et Nederlands en et Engels rukt op in Neadersaksische streaken. Dat kump deur tv en internet; en zeker ok deurdat et onderwies en weatenschop nationaal en al vedan meer internationaal bint. Tegeliek gebeurt der ok völ um de eigen Neadersaksische sproak te beholden. Leedkes en theater, ne oaverzetting van ’n Biebel, films in et Twents. Dan kan et Science Café in Eanske neet achterblieven: 5 kloke spreakers doot oet de deuke wo as et der bie steet in ear vakgebeed. Wat Nedersaksisch is, wo as et der veur steet met robotica, et niejste in kunst en cultuur, ne ofweaging van et gebroek van apps bie dementie, én onderzeuk noar Nedersaksische folklore. Gewoon in ’t plat. Zet oe dale en loat et oe verniejen.
